تحب تسمع ايه ؟؟؟؟

دق دق دق

ده قلبي.

.لخبط دقاته و رق

تحب تسمع ايه؟؟؟

دقات قلبي كويس؟

ولا شوق حضني

اللى بيصرخ حنين

ولا دوبان الحنان فى عيوني...

وانصهاره على الجبين

آه

صِحيت كل حاجه جوايا

ولا كلمه تعرف تعبر عن احساسي..

طول مانت ويّايا.

.اامرني.. تحب تسمع ايه فيهم ؟؟

صوت قلبي... كويس؟؟

بيغني اغنية عاشق ولهان ياحنان

انا دوبت بنبضاتي وسط الضلوع

انا حبي لحبيبي زى الطير فى سماه

انا عشقى لنصيبي منين مايروح

كل يوم يزيد جوايا حنين وشوق وعشق لمنايا

اهفهف حواليه وعلى ذكرى اسمه اجري عليه

بسمع اسمه..

دقيت دقيت..

واللهفه جوايا ماترق

شايفك بعيوني من جوه

قبل عيونها الهايمه

تدلنى عليك ..

وادلها عليك..

واقولها حاسس بيِه

فى حضن حنيني المشتا

قمهما تطول عذاب لياليه

ياعشاق اسمعونى واعرفوه..

قلبه قريب مني

بيسهر على راحتى تملي

واحبه اوى..

لحد الجنون

واتشوق للحظة قرب من العيون..

تعلى صوت دقاتي دقه بدقه

يسمع مناداتى واسمعه..

ويحكيلى على اللى بيوجعه..

واشكيله ازاى من غيره اعيش ..

من غيره اضيع فى الظنون

..................................ولا تسمع شوق حنيني

اللى مابينام من شدة انيني..

ويحكيلك لما يرجع لأحضانك من تاني.

.دنيا تانيه

عايش جواها بين لحظه والتانيه

كأني فى حضن الشمس تدفيني

وعمري بيجدد معاها كل ثانيه

عاوزها بكل مافيّه

اعيش واتمتع بيها

واصونهاوتلفني في عشق حنانها

وادوقها

لحظة مايشتاقلك حضنى

تضمني وتاخدني بعيد

عن عمري

فى واحه جميله

مغروس فيها الاماني

تدب فيها حياة من نوع تاني

انا دايما حبي ليك اناني

يشتاقلك بعشقه المجنون

ويروحلك منين ماتكون

بتزيد اللهفه وانت بين احضاني

ويشتد حنيني واخدك جوايا

وانسى زمانى

ولا اعرف مكان غير مكاني..

وارفض ان الهوا يفصل بينا

واخبي شوقك على شوقي

وابعد الشجن عن عيونا

آه..

لو تشوف الحنان في عيني

وتطل على بحور العشق في حنيني

ولا كلمة توصف او تقدر تعبّر نبض عروقي

كل حته فيه بتتمناك

وشوقي لحبك دايما بيستناك

ولما تجيلي تاني

يلخبط قلبي وينادي

ويدق

دق دق دق دق

ويحن تاني ويرق

ويخيّرك تسمع ايه؟؟

ويسهرك على دق اغانيه

ويسالك على نجوم لياليه

نجمه نجمه

تحكي ليك

وتقول على كل شئ جواه:

بحبك