أصل انت حبيبي

ماهو عشان بحبك

يبقى العشق مالوش مثيل

والحياة مالهاش دليل

والشوق صبر على قلبي واترجاه

يطفي النار اللى بيزيده الحنين

والصبر راحلك واستغاث

بيقولك صبرت عليه وصابنى التعب

وانا اقولك..بحبك مهما حكى عنى التعب

ومهما الح عليه الملل

ومهما زاد الشوق ووجع

بحبك.

.وعشان بحبك هاكتب كل شئ جميل

واحكى حكايه مالهاش مثيل

واغني ويغنولى العصافير

والموضوع شرحه طويل

لا فاكر لي بدايه

ولا عايز يكون له نهايه

بس عاجبانى كلها على بعضها الحكايه

شايفها أروع روايه

خيال.. حلم.. حب

يامنايا كله فى الاخر انت فيه معايا

الحب فى وجودك عظيم

ووالشوق معاك كبير

الحلم بيك ... حقيقه

احلم بيك ده أجمل حقيقه

الوّن لونى بحُبّك

وارسم فرحتى بيك على كل ملامحى

وافتح باب العشق على اخره

وارمى نفسي فى شمسه

ادفيّ وادوق الحنان لاخره

واعيش فى ظله

واتمتع بهمسه ولمسه

ويزيد الشوق والدفا جوايا

واقول تانى ياللى مجنني..

شوفت الحنان معاك طعمه ايه؟

والعشق جميل قد ايه؟؟

وعاوزنى احبك.. وماقولش عليه..

ولو حكيت وغنيت معرفش

واتوه من اللى انا فيه

حبيبي.. يااجمل حب عشت فيه



بحبك